Ռուսաստանը և Չինաստանը բարձրտեխնոլոգիական սպառազինություն են մշակում. Պուտին
Ռուսաստանը եւ Չինաստանը համատեղ մշակում են բարձրտեխնոլոգիական սպառազինություն: Այդ մասին ՌԴ նախագահ Վլադիմիր Պուտինն ասել է մեծ մամուլի ասուլիսի ժամանակ։
«Չինաստանի բանակը զգալի ծավալով հանդերձվում է զենքի ամենաառաջավոր համակարգերով: Մենք նույնիսկ միասին մշակում ենք սպառազինությունների առանձին բարձրտեխնոլոգիական տեսակներ: Մենք աշխատում ենք տիեզերքում, օդուժի ոլորտում, ընդ որում՝ ե՛ւ ինքնաթիռներով, ե՛ւ ուղղաթիռներով: Եվ, ի վերջո, մենք զարգացնում ենք համագործակցությունը զինված ուժերի միջեւ: Դա նաեւ համատեղ զորավարժություններն են, դա մասնակցությունն է միջազգային զորախաղերին: Դա համատեղ պարեկումն է ծովում եւ օդում»,-Պուտինն ասել է մամուլի ասուլիսում, հաղորդել է ՌԻԱ Նովոստին:
