«Կոմունիկացիաների բացման շուրջ ռիսկերի վերաբերյալ հարցերը շարադրեմ, դուք ավելացրեք». Անժելա Էլիբեգովա

Ադրբեջանագետ Անժելա Էլիբեգովան ֆեյսբուքյան իր էջում գրել է․ «Կոմունիկացիաների բացման շուրջ ռիսկերի վերաբերյալ հարցերը շարադրեմ, դուք ավելացրեք՝

1. Հայաստանին ըստ պաշտոնական տվյալների երկաթգծի ենթակառուցվածքին կպնելու համար ենթադրաբար հարկավոր ա 1.2 մլրդ ներդրում (էկոնոմիկայի նախարարը ասում ա ոչ նախագիծ կա, ոչ վերջնական հաշվարկ)

ա) Ով ա տալու մեզ այդ գումարը ու ինչ պայմաններով

բ) Տարեկան եկամուտը ինչքան ա լինելու երկաթգծից ու այդ պարտքը ինչքան ժամանակում ենք փակելու, եթե փակենք

2. Ինչպես ա կարգավորվում հայ արտադրողի պաշտպանությունը էժան թուրքական ապրանքի հետ մրցակցության մեջ չտուժելուց՞

ա) ագրարային սեկտորում ջերմոցները ավելի էժան թուրքական արտադրանքի հետ ինչի հաշվին են մրցելու, որ չսննկանան

բ) ինչ մեխանիզմներով ա կարգավորվելու թուրքական արտադրանքի մեր շուկայում մոնոպոլիան կանխելը՞

3. Ինչպես ա կարգավորվում թուրքական ու ադրբեջանական կապիտալի ներհոսքը՞

ա) Իչպես ա կանխվում երրորդ երկրներում գրանցված ընկերությունների միջոցով Հայաստանում տարածքներ կամ բիզնեսներ գնելու գործընթացը

բ) Ինչպես ա կանխվում սննդի, վառելիքի և այլ ռազմավարական նշանակության հարցերում կախվածության մեջ ընկնելու ռիսկը

4. Ինչպես ա երաշխավորվելու հայկական արտադրողների բեռների անվտանգությունը Ադրբեջանի և Թուրքիայի տարածքում

ա) Ադրբեջանի տարածքով դեպի Ռուսաստան արտահանվող ապրանքների կամ հումքի անխոչընդոտ անցնելը

բ) Խնդիրներ առաջանալու դեպքում փոխհատուցումը

Եթե մասնագետ ընկերներ ունեմ, որոնք ունեն այս հարցերի պատասխանները, խնդրում եմ կիսվել»։