Բելառուսի նախագահը հայտնել է ահաբեկչություն կատարելու փորձի համար ձերբակալությունների մասին
Բելառուսի նախագահ Ալեքսանդր Լուկաշենկոն հայտնել է, որ ահաբեկչություն կատարելու փորձի համար երկրում յոթ մարդ է ձերբակալվել: Այս մասին հայտնում է «Բելտա» գործակալությունը:
«Ահաբեկչություն է ծրագրվել՝ ընդդեմ պետական ծառայողների, մասնավորապես՝ ընդդեմ դատախազության աշխատակիցների»,- հայտնել է Լուկաշենկոն: Նա ընդգծել է, որ համաձայն ներքին գործերի նախարարի՝ իրեն հայտնած տեղեկատվության՝ յոթ անձի ձերբակալել են, ևս մեկին փնտրում են: «Կգտնենք, կարծես թե փախել է Ռուսաստան: Սակայն այնտեղից մեզ կհանձնեն»,- հայտարարել է Բելառուսի նախագահը:
