Գիշերը տեղացած ձյան պատճառով դժվարանցանելի է Ստեփանակերտ-Շուշի-Բերձոր միջպետական ավտոճանապարհի «Լիսագոր» հատվածը
Հարգելի հայրենակիցներ
ՆԳ նախարարության ԱԻ պետական ծառայությունն իրազեկում է, որ գիշերը տեղացած ձյան պատճառով դժվարանցանելի է Ստեփանակերտ-Շուշի-Բերձոր միջպետական ավտոճանապարհի «Լիսագոր» հատվածը:
«Վահե Կարապետյան» ընկերությունն այս պահին մաքրման աշխատանքներ է իրականացնում:
Սյունիքի մարզի «Զանգեր»-Սիսիան հատվածը փակ է բեռնատարների համար։ Սարավան-«Զանգեր» հատվածում առկա է մերկասառույց:
Իսկ Արցախի Հանրապետության ներպետական ճանապարհները բաց են բոլոր տեսակի տրանսպորտային միջոցների համար:
Ներքին գործերի նախարարությունը հորդորում է.
արտակարգ պատահարներից խուսափելու համար՝ երթևեկել բացառապես ձմեռային անվադողերով։
