Աֆղանստանում իրադրության ապակայունացումը մեծացնում է ՀԱՊԿ-ի երկրներ ահաբեկիչների ներթափանցման ռիսկերը. Շոյգու
Աֆղանստանում իրադրության ապակայունացումը մեծացնում է ՀԱՊԿ-ի երկրներ ահաբեկիչների ներթափանցման եւ թմրամաքսանենգության աճի ռիսկերը: Այդ մասին հայտարարել է Ռուսաստանի պաշտպանության նախարար Սերգեյ Շոյգուն:
«Իրադրության ապակայունացումն Աֆղանստանում ահաբեկչության եւ թմրանյութերի արտահանման ռիսկեր կստեղծի ՀԱՊԿ-ի պետությունների տարածքում»,-ասել է Շոյգուն՝ ելույթ ունենալով պաշտպանության նախարարության կոլեգիայի ընդլայնված նիստում, որն անցկացվել է Ռուսաստանի Դաշնության նախագահ Վլադիմիր Պուտինի մասնակցությամբ, հաղորդել է ՌԻԱ Նովոստին:
