«Օմիկրոն» հիմնամանրէն մոտենում է Հայաստանի սահմաններին. վարակման առաջին դեպքերն են արձանագրվել Վրաստանում և Իրանում
Կորոնավիրուսի «Օմիկրոն» հիմնամանրէով վարակման առաջին երկու դեպքն է արձանագրվել Վրաստանում, ևս 26 մարդ, որոնք շփում են ունեցել վարակակակիրների հետ, ստուգվում են: «ՌԻԱ Նովոստի»-ի փոխանցմամբ՝ այս մասին հայտնել է հիվանդությունների վերահսկման ազգային կենտրոնի ղեկավար Ամիրան Գամկրելիձեն:
Նրա խոսքով՝ երկուսն էլ Վրաստանի քաղաքացի են, որոնք վերադարձել են ԱՄՆ-ից և Դուբայից: Նրանք մեկուսացման մեջ են գտնվում:
Վրաստանի առողջապահության նախարարության տվյալներով՝ վերջին մեկ օրում երկրում արձանագրվել է կորոնավիրուսով վարակման 1296 նոր դեպք, մահացել է 45 հիվանդ:
