Վրաստանում տղամարդը կյանքին վերջ է տվել կնոջն ու զոքանչին սպանելուց հետո
Թբիլիսիից ոչ հեռու գտնվող Վազիանիի ավանում տղամարդը սպանել է կնոջը եւ զոքանչին, որից հետո ինքնասպանությամբ վերջ է տվել կյանքին։
Սպանության փաստն արդեն հաստատել են Վրաստանի ՆԳ նախարարությունում: Ինչպես Sputnik Վրաստանին հաղորդել են մամուլի ծառայությունում, քրեական գործ է հարուցվել «Դիտավորյալ սպանություն ծանրացուցիչ հանգամանքներում, որը կատարվել է ընտանիքի անդամի նկատմամբ» հոդվածով:
Հանցագործությունը պատժվում է 16-ից մինչեւ 20 տարի ժամկետով ազատազրկմամբ կամ անժամկետ բանտարկությամբ: Միջադեպը տեղի է ունեցել ուշ գիշերին: Նախնական տվյալների համաձայն, սպանության մեջ կասկածվող անձի կնոջ մոտ արձանագրվել է դանակով հասցված վերքեր՝ պարանոցի շրջանում: Այլ մանրամասների մասին առայժմ չի հաղորդվում, հաղորդել է Sputnik-ը:
