Նիկոլ Փաշինյանը Մոլդովայի նախագահի հետ քննարկել է երկկողմ բիզնես ֆորում սկսելու հարցը
Մոլդովայի նախագահ Մայա Սանդուն արդյունավետ է համարել Հայաստանի վարչապետ Նիկոլ Փաշինյանի հետ հանդիպումը։
«Մենք քննարկել ենք երկկողմ բիզնես ֆորում սկսելու գործընթացը և ուսումնասիրել փոխադարձ ներդրումային հնարավորությունները»,- «Թվիթեր»-ի իր միկրոբլոգում գրել է Մոլդովայի նախագահը։
Մայա Սանդուն նշել է, որ երկրի ղեկավարները պայմանավորվել են նաև համատեղ գործողություններ ձեռնարկել երկու երկրների միջև առևտրի ծավալներն ավելացնելու համար։
Հայաստանի Հանրապետության վարչապետ Նիկոլ Փաշինյանն Արևելյան գործընկերության 6-րդ գագաթնաժողովի շրջանակներում երկօրյա աշխատանքային այցով մեկնել է Բրյուսել։
