Համաշխարհային բանկը կորոնավիրուսի դեմ պայքարում Ուկրաինային 150 մլն դոլար կհատկացնի
Համաշխարհային բանկը 150 մլն ԱՄՆ դոլար կհատկացնի Ուկրաինային՝ ի նշան օգնության կորոնավիրուսի դեմ պատվաստման հարցում: Այս մասին հայտնում է ՏԱՍՍ-ը:
Բանկից հայտնել են, որ այդ միջոցները կօգնեն կանխել, հայտնաբերել ու արձագանքել սպառնալիքներին, որոնք ի հայտ են եկել կորոնավիրուսի համավարակի պատճառով, ինչպես նաև կաջակցեն Ուկրաինայի առողջապահական համակարգի ամրապնդմանը:
Մասնավորապես, միջոցներ են ուղղվելու պատվաստանյութերի նոր դեղաքանակներ ձեռքբերելու ուղղությամբ:
Համավարակի սկզբից մինչև օրս Ուկրաինայում կորոնավիրուսով վարակվել է 3 մլն 553 հազար 817 մարդ, մահացել են՝ 90 հազար 789-ը:
