Համլետ Բատիկյանի հետ կնքվել է ժամկետային աշխատանքային պայմանագիր․ ՊՆ
ՀՀ պաշտպանության նախարարության գլխավոր քարտուղարի ժամանակավոր թափուր պաշտոնը զբաղեցնելու համար Համլետ Գագիկի Բատիկյանի հետ կնքվել է ժամկետային աշխատանքային պայմանագիր: Այս մասին տեղեկացնում են ՀՀ ՊՆ–ից։
Հիշեցնենք, որ այսօր 168.am–ը գրել է, որ Պաշտպանության նախարար Սուրեն Պապիկյանը սկսել է իր մտերիմներին տեղավորել ՊՆ-ում, և ՀՀ ՊՆ գլխավոր քարտուղար Արթուր Սարգսյանի փոխարեն, ում աշխատանքից ազատել էին դեկտեմբերի 6–ին, նշանակելու են Համլետ Բատիկյանը, ով դեկտեմբերի 7-ին ազատվել էր փոխվարչապետ Համբարձում Մաթևոսյանի գրասենյակի ղեկավարի պաշտոնից:
Նա աշխատել է նաև տարածքային կառավարման և ենթակառուցվածքների նախարարությունում՝ որպես գերատեսչության գլխավոր քարտուղար:
