Էդգար Սողոմոնյանը 15 վայրկյանում տապալեց մրցակցին
Նյու Յորքում դեկտեմբերի 4-ին կրկին համաշխարհային ռինգ բարձրանալով` ամերիկաբնակ մեր hայրենակից, «Դուքենդո-Ֆուլ կոնտակտ» կարատեի միջազգային ֆեդերացիայի փոխնախագահ Էդգար Սողոմոնյանը ECF գերծանր քաշային կարգի աշխարհի Գոտու համար մենամարտեց MATTHEW FAULKNER-ի հետ, ընդամենը 15 վայրկյանի ընթացքում գրանցեց հերթական հաղթանակը` նվաճելով MMA աշխարհի գոտին:
Ինչպեսև խոստացել էր` Էդգար Սողոմոնյանը հաղթանակը նվիրեց իր ընկերոջ` Եվրոպայի չեմպիոն Արմեն Ավետիսյանի հիշատակին: Շնորհավորում ենք մեր մարզիկին իր հերթական հաղթանակի և հայկական դրոշը բարձր պահելու համար: Հայազգի մարզիկի հաղթանակը յուրաքանչյուրինս է։
Մարզիկի պարգևատրման ժամանակ հնչում էր Արա Գևորգյանի «Արցախ» ստեղծագործությունը։ Էդգարը մրցահարթակ է բարձրացել իր ընկերոջ` Արմեն Ավետիսյանի լուսանկարով շապիկով` իր հաղթանակը նվիրելով երիտասարդ հասակում կյանքից հեռացած ծանրամարտի պատանիների Եվրոպայի չեմպիոն Արմեն Ավետիսյանին։
Հիշեցնենք նաև, որ ամռանն իր հերթական հաղթանակը գրանցելով՝ Էդգար Սողոմոնյանն այն նվիրել էր 44-օրյա պատերազմում զոհված մեր զինվորների հիշատակին և հայկական բանակի բոլոր զինվորներին, այդ թվում՝ իր երկու որդիներին։
