«Ռոման» շարունակում է պայքարը Չեմպիոնների լիգայի համար․ «Բոլոնիա»-«Ռոմա»
«Բոլոնիան» վերջին երկու հանդիպումներում պարտվել է «Ռոմային», սակայն կարելի՞ է սպասել հռոմեացիների հաղթանակին այսօր։
«Բոլոնիան» շատ լավ մրցաշրջան է անցկացնում և ներկայումս եվրոպական մրցաշարի հավակնորդ է: Սինիշա Միխայլովիչի թիմը ակտիվում 21 միավորով զբաղեցնում է աղյուսակի 9-րդ հորիզոնականը՝ վեցերորդ «Ֆիորենտինայից» հետ մնալով միայն լրացուցիչ ցուցանիշների շնորհիվ։ Վերջին տուրում «Բոլոնիան» արտագնա խաղում 1:0 հաշվով հաղթեց «Լա Սպեցիային»՝ այդպիսով ապահովելով երրորդ հաղթանակն առաջնության վերջին չորս խաղերում։
«Ռոման» ընդհանուր առմամբ արժանապատվորեն է անցկացնում առաջնության առաջին շրջանը, թեև անսխալ չի եղել, մինչդեռ Ժոզե Մոուրինյոյի թիմը զբաղեցնում է աղյուսակի 5-րդ հորիզոնականը։ Հռոմեացիները երեք միավորով են զիջում չորրորդ «Ատալանտային», և այս ֆորան հաջողության շանսեր է թողնում, բայց նրանք այնպիսի մրցակիցներ ունեն, ինչպիսիք են «Ֆիորենտինան», «Յուվենթուսը» և «Լացիոն», ինչը, իհարկե, բարդացնում է խնդիրը:
Վերջին տուրում «Ռոման» սեփական հարկի տակ 1:0 հաշվով հաղթեց «Տորինոյին»՝ այդպիսով ապահովելով երկրորդ անընդմեջ հաղթանակն առաջնությունում։
«Ռոման» ակնհայտորեն խաղադրույք է կատարում լավագույն քառյակում հայտնվելու վրա, և ամենաթեժ մրցակցության պայմաններում հռոմեացիները գործնականում զրկված են սխալվելու իրավունքից։ Վերջին մենամարտերում «գայլերը» շատ պինդ տեսք ունեին և երկու չոր հաղթանակ տարան. վստահաբար այսօր մայրաքաղաքային ակումբը հույսը դնելու է բոլոր երեք միավորների վրա։ «Բոլոնիան» լավ մարզավիճակում է, բայց արագություն ձեռք բերած և կարգում առավելություն ունեցող «Ռոմայի» համար դժվար կլինի պայքարել։
Խաղը կմեկնարկի 21։30-ին։
Սիրարփի Աղաբաբյան
