YouTube-ը հեռացրել է պատվաստանյութերի մասին Բրազիլիայի նախագահի տեսանյութը նրա որդու ալիքից
Բրազիլիայի նախագահ Ժաիր Բոլսոնարուի տեսանյութը, որը հրապարակվել էր իր որդու՝ Կարլոսի YouTube-ի ալիքով, ընկերության կողմից հեռացվել է: Այս մասին հայտնում է ՏԱՍՍ-ը:
Օրեր առաջ Facebook-ը, Instagram-ը և YouTube-ը հեռացրել էին Բոլսոնարուի տեսանյութը, որտեղ նա խոսում էր կորոնավիրուսի դեմ պատվաստանյութերի ու ՄԻԱՎ-ի միջև կապի մասին:
YouTube-ի քաղաքականությունը խախտելու հետևանքով նախագահին մեկ շաբաթով արգելվել էր նոր տեսանյութեր հրապարակել:
Քանի որ ընկերությունն արգելում է հրապարակել այն օգտատերերի կոնտենտը, որոնք ցանցում արգելված են, ուստի YouTube-ը հեռացրել է տեսանյութը նաև Բրազիլիայի նախագահի որդու էջից:
