Արցախի ԿԳՄՍՆ-ն՝ դպրոցական արձակուրդների մասին
Արցախի Հանրապետության կրթության, գիտության, մշակույթի և սպորտի նախարարությունը հայտնում է․
«Հարգելի՛ ծնողներ, սիրելի՛ աշակերտներ
ԱՀ ԿԳՄՍ նախարարությունը տեղեկացնում է, որ կորոնավիրուսային համաճարակի զարգացման տեմպերով պայմանավորված՝ նախադպրոցական և հանրակրթական ուսումնական հաստատություններում ուսումնական գործընթացը շարունակվելու է հետևյալ կերպ.
Ստեփանակերտի հանրակրթական ուսումնական հաստատություններում արձակուրդները երկարաձգվելու են մինչև նոյեմբերի 7-ը:
Շրջանների ուսումնական հաստատություններում նոյեմբերի 1-ից պարապմունքները կվերսկսվեն բնականոն հունով՝ հակահամաճարակային պայմանների խստիվ պահպանմամբ։
Բոլոր նախադպրոցական ուսումնական հաստատությունները (մանկապարտեզներ) ևս գործելու են բնականոն հունով՝ հակահամաճարակային կանոնների խստիվ պահպանմամբ։
«Երկարօրյա դպրոց» ծրագիրը ժամանակավորապես դադարեցվելու է»։
