Facebook-ի աշխատակիցները դատի են տվել Ցուկերբերգին և նրա կնոջը
Facebook-ի երկու նախկին աշխատակիցներ, որոնք ներգրավված են Մարկ Ցուկերբերգի և նրա կնոջ՝ Պրիսցիլա Չանի ընտանեկան գործերում, դատի են տվել զույգին աշխատանքային իրավունքների խախտման և անգործության համար՝ ի պատասխան նրանց ռասայական և գենդերային կողմնորոշման հետ կապված սեռական ոտնձգությունների և կոլեկտիվ նվաստացման բողոքների: Այս գործով դատավարությունը շարունակվում է արդեն մի քանի տարի, սակայն մինչ այժմ հայցվորների անուններն ու մեղադրանքի որոշ մանրամասներ չեն հաղորդվում։ Ինչպես նաև, հայցերի վերաբերյալ դատական նիստեր դեռևս չկան։
Հայցվորներն էին անվտանգության նախկին մասնագետ Միա Քինգը, որը գործի նյութերում ներկայացված էր՝ որպես սևամորթ կին և ԼԳԲՏ համայնքի ներկայացուցիչ, և Ցուկերբերգի կենցաղային նախկին մենեջեր, տղամարդ՝ Ջոն Դո անունով: Դուն բացահայտ գեյ է և հաշմանդամություն ունեցող անձ: Երկուսն էլ ընկերությունում աշխատել են մոտ երկու տարի՝ 2017-2019 թվականներին։ Ամբաստանյալներն են Ցուկերբերգն ու Չանը։ Գործի նյութերում Ֆեյսբուքը ներառված չէ։
Քինգը 29 էջանոց բողոք է ներկայացրել դատարան՝ նկարագրելով Ցուկերբերգի և նրանց համախոհների դեմ ներկայացված հայցերը։ Նա նշել է, որ ինքը բազմիցս ստացել է անպատշաճ մեկնաբանություններ իր կրծքերի մասին, վիրավորանքներ, ծաղր ու նվաստացում՝ կապված իր ռասայական և սեռական կողմնորոշման հետ: Նրա խոսքով՝ գործընկերները բազմիցս նշել են, որ Քինգն աշխատանքի է ընդունվել բացառապես իր ռասայի պատճառով։
Դոուն պատրաստել է նմանատիպ 35 էջանոց բողոք, որում նա նշել է, որ ինքը պատասխանատու է Ցուկերբերգների ընտանիքի տարբեր գույքի վերահսկման և կառավարման համար:: Շատ անգամ նրան ստիպել են աշխատել օրական տասնյոթ ժամ՝ նախքան Ցուկերբերգների ժամանումը գույքը պատրաստելու համար։
Ցուկերբերգի կենցաղային նախկին մենեջերը էպիլեպսիա ունի, ինչի մասին գործատուն գիտեր ի սկզբանե։ Միաժամանակ նա անընդհատ ստիպված է եղել անել իր վիճակը վատթարացնող աշխատանք, օրինակ՝ ծանրություններ կրելն ու բարձրացնելը։ Դոուն նաև բողոքել է իր հասակակիցների նկատմամբ սեռական ոտնձգություններից և ատելության տարածման, ինչպես նաև ղեկավարության անգործությունից՝ ի պատասխան նման վարքագծի դադարեցման կոչին:
Դոուի և Քինգի մեղադրանքները հրապարակվել են լրատվամիջոցներում՝ Facebook-ի ներքին փաստաթղթերի արտահոսքի հետ կապված սկանդալի ֆոնին, որը տեղի է ունեցել ընկերության նախկին աշխատակցի՝ Ֆրենսիս Հաուգենի շնորհիվ։ Հոկտեմբերի 25-ին 17 ամերիկյան հրապարակումներ հրապարակեցին այս փաստաթղթերի հիման վրա Facebook Papers-ի լրագրողական հետաքննության արդյունքները։ Մասնավորապես, տեղեկություններ են բացահայտվել հայտնի անձանց համար տարբեր տեսակի բովանդակություն հրապարակելու ներքին արտոնությունների, ստրկավաճառության բովանդակությանը արձագանքելու, երեխաների վրա Instagram-ի վտանգների վերաբերյալ սեփական հետազոտության անտեղյակության և այլ նյութերի մասին: Արտասահմանյան լրատվամիջոցները Հաուգենի արտահոսքը անվանում են լավ ծրագրված ակցիա, որին միանում են բոլոր կազմակերպություններն ու անհատները, ովքեր երբևէ հավակնություններ են ունեցել Facebook-ի և Ցուկերբերգի նկատմամբ։
Սիրարփի Աղաբաբյան
