Դիետան նպաստում է քաղցկեղի զարգացման դանդաղեցմանը. գիտնականներ

Մասաչուսեթսի տեխնոլոգիական ինստիտուտի և Դանա-Ֆարբերի ուռուցքաբանության ինստիտուտի ամերիկացի գիտնականները պարզել են, որ դիետիկ սննդակարգը դանդաղեցնում է քաղցկեղային ուռուցքների զարգացումը: Համապատասխան հոդվածը հրապարակվել է Nature ամսագրում։

Նշվում է, որ քաղցկեղի բջիջները մեծ քանակությամբ գլյուկոզա են օգտագործում, ուստի դիետան կարող է նվազեցնել ուռուցքի առաջացման հավանականությունը՝ նվազեցնելով դրա «սնունդը»։

Ենթաստամոքսային գեղձի քաղցկեղով 1165 հիվանդների տվյալներն ուսումնասիրելուց հետո գիտնականները պարզել են, որ բարձր քանակության ճարպերով և ցածր քանակության ածխաջրերով դիետան նպաստում է կյանքի երկարացմանը:

Պատրաստեց Անի Գաբուզյանը