Մի շարք փոփոխություններ instagram-ում

Նոութբուքից արդեն կարելի է կիսել մինչև մեկ րոպե տևողությամբ լուսանկարներ և տեսանյութեր:

Instagram-ը հայտարարել է մի շարք նոր հնարավորությունների մասին, որոնք լինելու են ինչպես Feed-ում, այնպես էլ Reels-ում: Փոփոխություններն անդրադարձել են նաև համակարգչից տեղադրման վրա: Հրապարակումներն արդեն կարող են կատարվել նաև համակարգչից: Առանձնահատկությունը, որը փորձարկվել է այս ամառ, կգործարկվի հինգշաբթի՝ հոկտեմբերի 21-ին, հաղորդում է TechCrunch-ը:

Հայտարարվել է Collabs տարբերակը: Այն թույլ կտա օգտվողներին լինել համահեղինակ ինչպես feed հաղորդագրություններում, այնպես էլ Reels-ի կարճ տեսանյութերում: Դա անելու համար պետք է ավելացնել մեկ այլ հաշիվ՝ որպես համագործակցող:

Եթե ​​մյուս անձը համաձայնի, երկու հաշիվները կհայտնվեն գրառման հեղինակներում, կամ Reels-ում -բովանդակությունը հասանելի կլինի երկու բաժանորդների խմբերի համար: Նաև հինգշաբթի օրը Instagram-ը Reels-ի համար կներկայացնի երկու նոր գործառույթ, որոնցից մեկը Dynamic Lyrics-ն է (3D բառերը էկրանին):

Ավելի վաղ հաղորդվել էր, որ Instagram-ը կսկսի արգելափակել օգտվողներին, ովքեր չեն նշել իրենց ծննդյան օրը: Սխալ ամսաթիվ նշած օգտվողներին բացահայտելու համար ընկերությունը նախատեսում է օգտագործել նոր ալգորիթմ, որը նախատեսված է հաղորդագրությունները վերլուծելու համար:  Այն կորոշի, թե արդյո՞ք մարդը նշում է իր իրական տարիքը:

Սիրարփի Աղաբաբյան