«Ալաշկերտ»-ԼԱՍԿ. Ի՞նչ սպասել հայկական թիմից

Այսօր՝ 20:45-ին, «Ալաշկերտը» Կոնֆերեցիաների լիգայի շրջանակներում կհյուրընկալի ավստրիական ԼԱՍԿ-ին:

«Ալաշկերտ»

Հայաստանի առաջնության ընթացիկ մրցաշրջանի ինը տուրից հետո «Ալաշկերտը» տարավ մեկ հաղթանակ և գրանցեց երեք ոչ -ոքի, ինչը բերեց վեց միավոր և 9-րդ տեղը մրցաշարային աղյուսակում:

ԲԿՄԱ-ի նկատմամբ տարած հաղթանակից (2: 1) հետո Միլան Միլանովիչի սաները ոչ-ոքի խաղացին «Փյունիկի» հետ (1: 1) և զբաղեցրին նախավերջին տեղը: Կոնֆերեցիաների լիգայում հայկական ակումն երկու անգամ պարտություն կրեց և խմբում զբաղեցնում է վերջին տեղը: Վերջին խաղում տանը թիմը չհաղթահարեց ՀԻԿ-ն (2: 4):

Հայկական թիմի գլխավոր մարզիչ Միլան Միլանովիչը խաղից առաջ նշում է, որ թիմը վերջին տեղում է, բայց ինքն եկել է թիմ, որ շտկի իրավիճակը:

«Ֆիզիկական առաջընթաց կա, բայց հոգեբանական լավ վիճակի համար թիմին հաղթանակ է պետք»:
Այս խաղին չի մասնակցի Արտակ Գրիգորյանը, ով կարմիր քարտ էր ստացել: Միլան Միլանովիչը նշում է, որ նրան կփոխարինի Ռումյան Հովսեփյանը:

Ռումյան Հովսեփյանը ևս կարծում է, որ թիմի հիմնական խնդիրները հոգեբանական են: Ըստ ֆուտբոլիստի, չնայած մրցակիցը շատ լավ ֆուտբոլ է խաղում, իրենք լավ տրամադրությամբ են մոտենում հանդիպմանը:

ԼԱՍԿ

ԼԱՍԿ-ը գրանցեց մեկ հաղթանակ և ոչ-ոքի, որը համապատասխանում է չորս միավորի և երկրորդ հորիզոնականին: Ավստրիացիները հաղթելով ՀԻԿ-ին (2: 0) ՝ մրցաշարային միավորները կիսեցին Թել Ավիվի «Մաքաբիի» հետ (1: 1):

Ավստրիայի Բունդեսլիգայի ընթացիկ մրցաշրջանում Անդրեաս Վիլանդի սաները 11 տուրերում վաստակել են 10 միավոր և գտնվում են 10-րդ հորիզոնականում: «Ադմիրայի» նկատմամբ տարած հաղթանակից (3: 1) հետո սպիտակ-սևերը երկու անընդմեջ պարտություն կրեցին:

Մասնագետները կարծում են, որ այսօր մեզ սպասվում է ուժով մոտավորապես հավասար մրցակիցների մենամարտ: Հայաստանի ընտրանին տնային առաջնությունում լավ խաղաց վերջին հանդիպումներում, սակայն բարձրագույն դիվիզիոնում մրցակիցների մակարդակը դժվար թե համեմատվի Կոնֆերեցիաների լիգայի հետ:

Տեսական շանսեր պահանելու համար հայկական ակումբը այսօր պետք է միավորներ վաստակի:

Սիրարփի Աղաբաբյան