Գիշերվա այդ ժամին ականատես-վկաներ չէին եղել…
Հոկտեմբերի 4-ի առավոտյան, ժամը 06.40-ին, ոստիկանություն ահազանգ էր ստացվել Տիգրանյան փողոցի մի բնակչուհուց: Նա հայտնել էր, որ գիշերը երկրորդ հարկի իր բնակարանի բաց պատուհանից մտել են տուն ու գողացել ոսկյա զարդեր:
Դեպքի վայր մեկնած ոստիկանության Արաբկիրի բաժնի օպերատիվ խումբը ձեռնարկել էր անհրաժեշտ միջոցառումներ, ուսումնասիրել տարածքը: Գիշերվա այդ ժամին ականատես-վկաներ չէին եղել: Մնում էր օպերատիվ աշխատանքը, որը տևեց մեկ օր:
Փաստի առթիվ հարուցված քրեական գործի շրջանակներում Արաբկիրի քրեական հետախույզների ձեռնարկած օպերատիվ-հետախուզական միջոցառումների շնորհիվ հոկտեմբերի 5-ին պարզվեց, որ գողությունը կատարել է Աբովյան քաղաքի բնակիչ, 52-ամյա մի տղամարդ: Նույն օրը Կոտայքի մարզի Բալահովիտ գյուղից նա բերման ենթարկվեց բաժին, ներկայացվեց քննչական մարմին ու ձերբակալվեց: Խուզարկությամբ նրա մոտ հատնաբերվել են տարատեսակ ապրանքներ:
Ձեռնարկվում են միջոցառումներ՝ գողոնը հայտնաբերելու ուղղությամբ:
Նախաքննությամբ հանգամանքները պարզվում են:
