Հրապարակվել է աշխարհի «ամենաազդեցիկ» անձնագրերի ցանկը
Բրիտանական «Henley & Partners» ընկերությունը հրապարակել է աշխարհի «ամենաազդեցիկ» անձնագրերի ցանկը։ Ըստ այդմ՝ ցանկի առաջին հորիզոնականում տեղ են գտել Ճապոնիան և Սինգապուրը։ Այս երկրների քաղաքացիները առանց վիզայի կարող են մեկնել 192 երկիր։ Այս մասին տեղեկացնում է ermenihaber.am-ը։
2006 թվականից կանոնավոր կերպով հրապարակվող «Henley» անձնագրային ինդեքսում Թուրքիան այս տարի զբաղեցրել է 57-րդ հորիզոնականը։ Թուրքիայի քաղաքացիենրը առանց վիզայի կարող են ճամփորդել աշխարհի 110 երկրներում։
Աշխարհի «ամենաազդեցիկ անձնագրերի ցանկի լավագույն տասնյակը նախորդ տարվա համեմատ գրեթե չի փոփոխվել։ Գերմանիան և Հարավային Կորեան զբաղեցրել են երկրորդ հորիզոնականը, Ֆինլանդիան, Իտալիան, Լյուքսեմբուրգը և Իսպանիան՝ երրորդ։
Լավագույն տասնյակում հաջորդաբար տեղ են գտել նաև Ավստրիան, Դանիան (4-րդ), Ֆրանսիան, Իռլանդիան, Նիդերլանդները, Պորտուգալիան, Շվեդիան (5-րդ), Բելգիան, Նոր Զելանդիան, Շվեյցարիան (6-րդ), Չեխիան, Հունաստանը, Մալթան, Նորվեգիան, Անգլիան, ԱՄՆ-ը /7-րդ/, Ավստրալիան, Կանադան (8-րդ), Հունգարիան (9-րդ), Լիտվան, Լեհաստանը և Սլովակիան (10-րդ)։
