Հունաստանը Ֆրանսիաից գնելու է 3 նոր ֆրեգատ
Ֆրանսիայի նախագահ Էմանուել Մակրոնը հայտարարել է, որ Հունաստանը ստորագրված նոր պաշտպանական պայամանագրի շրջանակում Ֆրանսիայից կգնի երեք նոր ֆրեգատ (պահակային ծառայության ռազմանավ)։ Այս մասին տեղեկացնում է ermenihaber.am-ը։
Հունաստանի վարչապետ Կիրիակոս Միցոտակիսի հետ պայմանագրի ստորագրման արարողության ընթացքում Մակրոնն ընդգծել է, որ պայմանագիրը երկու երկրների ինքնիշխանությունը և Եվրոպայի անկախությունն ամրապնդելու ուղղությամբ արված կարևոր քայլ է։
Նաև շեշտել է, որ ֆրեգատներ գնելու Հունաստանի որոշումը Միջերկրական ծովում Հունաստան-Ֆրանսիա համատեղ շահերի պաշտպանության համար ավելի խորը «ռազմավարական համագործակցության» մասն է կազմում։
Ըստ ֆրանսիական մամուլի՝ Ֆրանիսայի և Հունաստանի կնքած հիշյալ պայմանագիրը 5 միլիարդ դոլար արժողությամբ է։
