Ադրբեջանցիները հաքերային հարձակման են ենթարկել ու արգելափակել Արցախի պաշտոնական կայքերից մեկը
ԱՀ աշխատանքի, սոցիալական և միգրացիայի հարցերի նախարարության պաշտոնական կայքը ժամանակավորապես չի գործում՝ Ադրբեջանի կողմից հաքերային հարձակման ենթարկվելու պատճառով:
Այս մասին «Արցախպրես»-ի թղթակցին հաղորդեց ԱՀ աշխատանքի, սոցիալական և միգրացիայի հարցերի նախարարության մամուլի պատասխանատու Անի Թովմասյանը:
«Այսօր առավոտվանից նախարարության պաշտոնական կայքը Ադրբեջանի կողմից հաքերային հարձակման է ենթարկվել: Սա թշնամու գործելաոճն է, նրա կողմից պարբերաբար են հայաստանյան և արցախյան պաշտոնական կայքերը հաքերային հարձակման ենթարկվում, հատկապես՝ տոն օրերին: Համապատասխան մասնագետներն աշխատում են՝ հնարավորինս արագ խնդիրը կարգավորելու համար», – նշեց Ա. Թովմասյանը:
