Թուրքիայում Ղուրանի դասընթացներին հաճախող երեխաներին սեռական շահագործման են ենթարկել
Թուրքիայում Մարաշի նահանգային մուֆթիության «Հօգուտ հանրության աշխատանքային ծրագրի» շրջանակում իրականացվող ղուրանի դասընթացներին հաճախող տղա երեխաները դասավանդող թուրք ուսուցչի (հոջա) կողմից ենթարկվել են սեռական շահագործման։ Բացի այդ ուսուցիչը նրանց ստիպել է դիտել թուրքական պետական TRT հեռուստաալիքով ցուցադրվող «Վերածնունդ. Էրթուղրուլ» (Diriliş Ertuğrul) պատմական քարոզչական հեռուստասերիալը։
Թուրք լրագրող Բարըշ Փեհլիվանը, ներկայացնելով երեխաների վկայությունները, հայտնել է, որ մասնագիտական եզրակացությամբ հաստատվել է, որ երեխաները չեն ստում, և դատախազությունը ապացուցել է շահագործման փաստը։
