«Սուպերլիգան մահացած է»․ Ռումենիգե
«Բավարիայի» նախկին գլխավոր տնօրեն Կառլ-Հայնց Ռումենիգեն իր տեսակետն է հայտնել Սուպերլիգայի ստեղծման վերաբերյալ:
«Կան երեք ակումբներ («Ռեալ»,«Բարսելոնա »,«Յուվենթուս»), որոնք պահպանում են Սուպերլիգան, գոնե իրավական տեսանկյունից: Սպորտում ինձ համար դժվար է տեսնել երեք ակումբների մրցում:
Չգիտեմ, թե ինչու են այս երեքը շարունակում կառչել սրան: Բայց ես հաստատ գիտեմ, որ Սուպերլիգան, հաշվի առնելով այն, թե ինչպես էր այն կազմակերպված, մեռած է:
Ոչ միայն ես եմ ասում սա, այլև նույն հաղորդագրությունն է եկել ֆուտբոլասերներից ամբողջ Եվրոպայում: Արձագանքը պարզ էր: Եվ Անգլիայի, Ֆրանսիայի կամ Գերմանիայի ոչ մի ակումբ այլևս չէր ուզում կրակի հետ խաղալ: Առանց հաշվի առնելու, որ սա հապճեպ քայլ էր ենթադրյալ հիմնադիրների կողմից:
Համոզված եմ, որ նրանք ցանկանում էին հիմք դնել համաճարակի ազդեցությունը կարճաժամկետ մեղմելու համար:
Մենք խոսում ենք այնպիսի գումարների մասին, ինչպիսին է յուրաքանչյուր ակումբի համար 250-350 միլիոնը, որը կաթիլ կլիներ օվկիանոսում, քանի որ ի վերջո այդ փողերը նույնիսկ կվատթարացնեին տնտեսական վիճակը:
Ֆլորենտինո Պերեսը միշտ եղել է Սուպերլիգայի կողմնակիցը: Խոսքը գործարարի մասին է, ով երկար ժամանակ համաձայն չէր ՖԻՖԱ-ի և ՈԻԵՖԱ-ի որոշումների հետ և գործում էր ըստ այդմ: Սուպերլիգայի գաղափարը ծնվել է ոչ թե ապրիլին, այլ շատ ավելի վաղ»,- ասել է Ռումենիգեն:
Սիրարփի Աղաբաբյան
