Մոսկվան Մինսկին ավելի քան 1 մլրդ դոլարի սպառազինություն կմատակարարի. Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ Մոսկվան եւ Մինսկը պայմանավորվել են ավելի քան մեկ միլիարդ դոլարի ռուսական զենքի մատակարարման շուրջ, տեղեկացնում է «ՌԻԱ Նովոստի»-ն:
«Ես շատ շնորհակալ եմ Ռուսաստանի ղեկավարությանը, զինվորականներին և ռազմարդյունաբերական համալիրին, որ նրանք համաձայնեցրել են սպառազինությունների մի ամբողջ ցանկ, որոնք մինչև 2025 թվականը կլինեն այստեղ։ Դա, իրոք, մոտ մեկ տասնյակ ինքնաթիռ է… – դրանք արդեն, մի մասը, մեզ են հասել։ Դրանք ուղղաթիռներ են՝ մի քանի տասնյակ, դա ՏՕՌ-Մ2 է: Մեծ ծավալներ, դա խոսում է այն մասին, որ եւ մենք, եւ Ռուսաստանի Դաշնությունը շատ լուրջ ենք ընդունում ահա այս արեւմտյան ուղղությունը, որտեղ մենք գտնվում ենք անմիջականորեն շփման մեջ ՆԱՏՕ-ի զորքերի հետ», – ասել է պետության ղեկավարը:
Լուկաշենկոն նաեւ հայտնել է, որ Վլադիմիր Պուտինը Մոսկվայում կայացած բանակցություններում իրեն պատմել է C-500 ժամանակակից զենիթահրթիռային համակարգերի մասին:
«Շատ արդյունավետ համալիր է, այն արդեն, իմ կարծիքով, անցել է փորձարկումներ, պատրաստվում է սպառազինության ընդունմանը։ Այդ թվում ես նրան եւս մեկ անգամ հիշեցրել եմ Ս-400-ի մասին, պատմել եմ նրան, թե որտեղ ենք ցանկանում այդ համալիրները դնել», – հավելել է Բելառուսի նախագահը ։
Նա նաև ընդգծել է, որ երկու երկրների բանակները պատրաստ են ապահովել Միութենական պետության անվտանգությունը:
Սեպտեմբերի 10-16-ը Ռուսաստանի 9 եւ Բելառուսի 5 զորավարժարաններում անցկացվում է «Արեւմուտք-2021» ռազմավարական զորավարժությունների գործնական փուլը:
