Նյույորքյան ահաբեկչության 20-րդ տարելիցին քաղաքում անվտանգության խստացված միջոցներ են ձեռնարկվել
Նյու Յորքի ահաբեկչության 20-րդ տարելիցի օրը՝ սեպտեմբերի 11-ին ամերիկյան մեգապոլիսում իրավապահ մարմիններն անվտանգության խստացված միջոցառումներ են իրականացնում: Ինչպես փոխանցում է ՏԱՍՍ-ի թղթակցի հաղորդմամբ, ոստիկանները ստուգում են մետրո մտնող ուղևորների ուսապարկերը:
Թայմս-սքուերի մետրոյի կայարանում տեղադրված են հատուկ նախազգուշացնող վահանակներ, որտեղ նշվում է, որ պետք է ուսապարկերը զննվեն: Եթե ուղևորը հրաժարվում է դա անել և փորձում է մտնել մետրո, ոստիկաններն իրավունք ունեն նրան ձերբակալել:
Հատկապես անվտանգության խստացված միջոցներ են ձեռնարկվել Մանհեթենում, որտեղ էլ տեղի է ունենալու հիշատակի հիմնական միջոցառումը: Արարողություններին մասնակցելու է նաև նախագահ Ջո Բայդենը:
Նախօրեին ԱՄՆ ներքին գործերի նախարար Ալեխանդրո Մայորկասը հայտարարել էր, որ իշխանությունները հստակ տեղեկություններ չունեն սեպտեմբերի 11-ին ակնկալվող հնարավոր նոր ահաբեկչության վերաբերյալ: Այդուհանդերձ նա նշել էր, որ հնարավոր միջադեպերը կանխելու նպատակով անվտանգության միջոցները խստացվելու են:
