ԼՂ հարակից տարածքներում տրանսպորտային հանգույցների կառուցման նախագծերի իրականացումը թույլ կտա Ֆիզուլիի շրջանը վերաինտեգրել Ադրբեջանին. Փոլ Գոբլ
«Ֆիզուլիում միջազգային օդանավակայանի բացումը կմիավորի ամբողջ տարածաշրջանը»,- այս մասին ադրբեջանական Report լրատվական գործակալության հետ զրույցում ասել է ամերիկացի վերլուծաբան, գրող և քաղաքական մեկնաբան Փոլ Գոբլը։
Նրա խոսքով, Լեռնային Ղարաբաղի հարակից տարածքներում տրանսպորտային հանգույցների կառուցման նախագծերի իրականացումը թույլ կտա Ֆիզուլիի շրջանը վերաինտեգրել Ադրբեջանին:
«Ամենակարևոր փաստն այն արագությունն է, որով Բաքուն կարողացել է իրականացնել օդային նավահանգստի շինարարությունը, դա ցույց է տալիս, որ երկիրն ունի ռեսուրսներ նման նախագծերի արագ առաջխաղացման համար»,- նշել է Գոբլը:
«Դա օրինակ է, թե ինչ կարող է անել Բաքուն այլ տարածքներում (Լեռնային Ղարաբաղի շուրջ)»,- եզրափակել է նա:
