1 միլիարդ 75 միլիոն դրամ՝ ոչ թե դիրքերի, այլ ՊՆ շենքի լավ պայմանների համար
Պաշտպանության նախարար Արշակ Կարապետյանը հրատապ է համարել Պաշտպանության նախարարության շենքային պայմանների բարելավումը և ոչ, ասենք, չկահավորված դիրքերի կահավորումը, ուստի լավ շենքային պայմաններում աշխատելու նպատակով 1 միլիարդ 75 միլիոն դրամ (1.075.322,7 հազար դրամ) գումար պահանջող նախագիծ է ներկայացել Կառավարության համաձայնությանը։
Գործադիրն ընդունել է նախագիծն ու 1 միլիարդ 75 միլիոն դրամը Պաշտպանության նախարարության շենքային պայմանների բարելավման համար կհատկացվի՝ ի հաշիվ պետական բյուջեով ռազմական կարիքների բավարարման, ռազմաբժշկական սպասարկման և առողջապահական ծառայությունների, հոսպիտալների և բուժկետերի բժշկական սարքավորումներով համալրման համար բյուջեով հատկացված միջոցների։
Կկատարվի այլ ծրագրերից գումարի վերաբաշխում, որպեսզի ՊՆ շենքն ունենա ավելի լավ պայմաններ։
