15 միլիոն դոլար՝ Տիգրան Ավինյանի գրասենյակի ղեկավար Բագրատ Բադալյանին առնչվող ընկերությանը
Լոռու մարզում 15 կիլոմետր ճանապարհի ասֆալտապատման աշխատանքների վերահսկման ծառայությունները Կառավարությունը գնել է մեկ անձից՝ դրա համար վճարելով 15 միլիոն դոլար։
Այս մասին Տավուշի մարզում քաղաքացիների հետ հանդիպման ժամանակ ասաց «Վերածնվող Հայաստան» կուսակցության առաջնորդ Վահե Հակոբյանը։
Ըստ նրա՝ Կառավարությունը շինաշխատանքների տեխհսկողության ծառայությունները գնել է մեկ անձից «Կոքս Քնսալթ» ընկերությունից։
«Ինչո՞ւ մեկ աղբյուրով, այդպիսի նախադեպ ես չեմ հիշում։ Վերհսկողության մասով էլ տոկոսագումարը 2 տոկոսից բարձրացել է մինչև 5 տոկոս՝ զգալիորեն շատ, և այդ ծանրությունը դրվել է բյուջեի վրա։ 15 միլիոն դոլար անցել է այդ ընկերությանը, որն իրականացնում է վերահսկողություն։
Բայց այս ընկերությունը շատ սերտ համագործակցության մեջ է գտնվում մեկ ՍՊԸ-ի հետ, որը կոչվում է «Ճանապարհային նախագիծ» («Ճաննախագիծ ինստիտուտ».- Ա.Ս.), որի ղեկավարը ոմն Բադալյան Բագրատն է։ Իսկ ո՞վ է Բադալյան Բագրատը. նա հիմա փոխվարչապետ Տիգրան Ավինյանի գրասենյակի ղեկավարն է։ Ահա պոտենցիալ կոռուպցիոն սցենար, որը պետք է իրավապահ մարմինները հասկանան և ոչ թե ընկնեն ֆեյքերի հետևից»,- ասաց Հակոբյանը։
Նշենք, որ Բագրատ Բադալյանը հանդիսանում է «Ճաննախագիծ ինստիտուտ» և Դոռզնակ ՍՊԸ-ների տնօրենը։
Բադալյանը միայն 2020 թվականին Վահե Հակոբյանի մատնանշած ընկերությունից ստացել է 143,175,574.00 և 9,800,000.00 շահաբաժին։
Մանրամասները՝ տեսանյութում
