Արցախի ԱԺ-ում ստեղծվել է «ԱԺ կանոնակարգ» oրենքում փոփոխություններով զբաղվող աշխատանքային խումբ
Արցախի ԱԺ նախագահ Արթուր Թովմասյանը մարտի 31-ին հրավիրել է աշխատանքային խորհրդակցություն, որի օրակարգում «ԱԺ կանոնակարգ» oրենքում համապատասխան լրացումներ և փոփոխություններ առաջարկելու նպատակով աշխատանքային խումբ ստեղծելու հարցն էր։
«ԱԺ կանոնակարգ» օրենքի 5-րդ հոդվածի 2-րդ մասի 31-րդ կետի համաձայն` ԱԺ նախագահը որոշում է կայացրել «ԱԺ կանոնակարգ» օրենքում համապատասխան լրացումներ և փոփոխություններ առաջարկելու նպատակով ստեղծել աշխատանքային խումբ։ Այն կգործի հետևյալ կազմով․
Խմբի ղեկավար՝ Գագիկ Բաղունց՝ «Միասնական հայրենիք» խմբակցության ղեկավար, ԱԺ փոխնախագահ,
Անդամներ՝
Արամ Գրիգորյան՝ «Ազատ հայրենիք – ՔՄԴ» խմբակցություն
Դավիթ Գալստյան՝ Արցախի «Արդարություն» խմբակցություն
Արթուր Մոսիյան՝ «Հայ հեղափոխական դաշնակցություն» խմբակցություն
Գեղամ Ստեփանյան՝ «Արցախի ժողովրդավարական կուսակցություն» խմբակցություն
Սևակ Աղաջանյան՝ պետական-իրավական հարցերի մշտական հանձնաժողովի նախագահ
Անահիտ Քոչարյան՝ քարտուղարության պետ
Կամո Ազատյան՝ փորձագիտական ծառայության ղեկավար
Լիա Ասրյան՝ իրավաբանական բաժնի վարիչ
Խմբի քարտուղար՝ Լուսինե Դադայան՝ քարտուղարության գլխավոր մասնագետ։
Արցախի ԱԺ-ից նաև հայտնում են, որ աշխատանքային խմբին հանձնարարվել է աշխատանքները սկսել ապրիլի 1-ից և ավարտել մայիսի 10-ին՝ ներկայացնելով «ԱԺ կանոնակարգ» օրենքում փոփոխություններ և լրացումներ կատարելու վերաբերյալ առաջարկություններ ։
Խորհրդակցությանը ներկա են եղելաշխատանքային խմբի անդամները, ովքեր պայմանավորվածություն են ձեռք բերել քննարկումների կազմակերպման ժամանակացույցի մասին։
