«Բարսելոնան» կավելացնի մարզաբազայի և ֆուտբոլիստների անվտանգությունը՝ տիկտոկերների պատճառով
«Բարսելոնան» ցանկանում է բարելավել անվտանգությունն իրենց մարզաբազայում, որպեսզի խաղացողները չհետապնդվեն, հայտնում է ESPN-ն:
Բանն այն է, որ Լիոնել Մեսսին և մյուս ֆուտբոլիստները դարձել են TikTok սոցիալական ցանցի օգտվողների թիրախները: Խաղացողները ոչ միայն անընդհատ լուսանկարվում են մոտ տարածությունից, այլ հաճախ վիրավորվում են՝ արձագանք ստանալու հույսով:
Այս ամսվա սկզբին Մեսսին արդեն կորցրել էր համբերությունը TikTok-ի օգտատիրոջ սադրանքի պատճառով:
«Դուք արդեն նկարահանել եք մի տոննա նույն տեսահոլովակները, չեք կարող ձեր ամբողջ կյանքն անցկացնել ինձ հետ տեսանյութ նկարահանելով»,- ասել է արգենտինացին:
Անտուան Գրիզմանը և Ֆրենկի դե Յոնգը նույնպես տիկտոկերների թիրախն էին: Վերջերս մի խումբ երիտասարդներ լուսամփոփի մոտ մոտեցան Սամուել Ումտիտիին, երբ պաշտպանը որոշ ժամանակ դուրս էր եկել մեքենայից, նրանք բղավում էին՝ գնա «Բարսա Բ»:
«Բարսելոնան» նախնական բանակցություններ էր վարել ոստիկանության հետ մարզական բազայի շուրջ անվտանգության բարելավման ուղղությամբ, բայց նրանց ասացին, որ դժվար կլինի կանխել մարդկանց մոտենալը խաղացողների մեքենաներին:
Սիրարփի Աղաբաբյան
