«Ես չէի հավատում «Բարսելոնայի» ղեկավարությանը: Իմ անմեղությունը հաստատվեց»․ Ալվես
«Բարսելոնայի» նախկին պաշտպան Դանի Ալվեսը, որն այժմ խաղում է «Սան Պաուլուում», խոսել է 2016 թվականին «Բարսելոնայից» հեռանալու պատճառների մասին:
«Ես չէի հավատում այն ղեկավարությանը, որը ժամանակին ղեկավարում էր ակումբը: Հետագայում հաստատվեց իմ անմեղությունը:
Ես առաջինը ասացի դա: Նրանք ինձ խենթ էին անվանում, բայց, ինչպես միշտ, պարզվեց, որ ես լավ իմաստով խենթ եմ»,- ասել է բրազիլացին՝ պատասխանելով Instagram-ի հարցերին:
Ալվեսը կատալոնացիների կազմում հանդես է եկել 2008/09 մրցաշրջանից: Նա թիմից հեռացավ Խոսեպ Բարտոմեուի նախագահության տարիներին:
Սիրարփի Աղաբաբյան
