«Հուսով եմ Թուրքիան որոշակի քայլեր կձեռնարկի». ԱՄՆ պետքարտուղարը` S-400-ների մասին
Վաշինգտոնը շահագրգռված է շարունակել սերտ համագործակցությունը Թուրքիայի հետ՝ միաժամանակ չանտեսելով այն տարաձայնությունները, որոնք առկա են երկու երկրների միջև: Այս մասին Euronews-ի հետ զրուցում ասել է ԱՄՆ պետքարտուղար Էնթոնի Բլինքենը: Այս մասին տեղեկացնում է ermenihaber.am-ը։
Խոսելով Թուրքիայի կողմից ռուսական «S-400» զենիթահրթիռային ՀՕՊ համակարգերի գնումից՝ Բլինքենը նշել է, Անկարայի և Վաշինգտոնի միջև առկա են լուրջ տարաձայնություններ։
«Մենք շատ անկեղծ, հստակ և բաց խոսակցություններ ունենք։ Հուսով եմ, որ Թուրքիան որոշակի քայլեր կձեռնարկի՝ լուծելու խնդիրները, օրինակ այն խնդիրները, որոնք S-400-ները ստեղծում են ՆԱՏՕ-ի դաշինքի համար»,- ասել է նա:
