«Ես կուսակցական չեմ». Կապան համայնքի ղեկավարը՝ նոր կուսակցությանը չանդամակցելու մասին
Ինչպես հայտնի է՝ Սյունիքի նախկին մարզպետ Վահե Հակոբյանի գլխավորած «Վերածնվող Հայաստան» կուսակցության վարչության անդամների թվում են նաև Սյունիքի տարբեր համայնքների ղեկավարները:
Հիշեցնենք՝ պատերազմից հետո մարզի գրեթե բոլոր համայնքների ղեկավարները պահանջել էին Նիկոլ Փաշինյանի հրաժարականը և պարբերաբար բարձրաձայնել Սյունիքում առկա անվտանգային խնդիրների մասին:
168.am-ը Կապան համայնքի ղեկավար Գևորգ Փարսյանից հետաքրքրվեց, թե ինչո՞ւ նա մարզի մյուս համայնքների ղեկավարների հետ ներկա չէր «Վերածնվող Հայաստան» կուսակցության մեկնարկն ազդարարող մամլո ասուլիսին, ի պատասխան՝ Գևորգ Փարսյանը հայտնեց. «Ես կուսակցության անդամ չեմ, կուսակցական չեմ»:
Հարցին, թե՝ չե՞ք ուզում դառնալ կուսակցական, նա պատասխանեց՝ այո, չեմ ցանկանում:
Ճշգրտմանը՝ արդյոք առաջարկ եղե՞լ է՝ նա չպատասխանեց՝ նշելով, որ քաղաքականության հետ կապված հարցերին կանդրադառնա հետագայում:
