««Բարսան» կարող էր Նեյմարին վերադարձնել 2019 թվականին, եթե Գրիզմանը չստորագրվեր»․ Աբիդալ
«Բարսելոնայի» նախկին մարզական տնօրեն Էրիկ Աբիդալը խոսել է կատալոնական ակումբի տրանսֆերային գործունեության մասին, մասնավորապես, 2019 թվականին ՊՍԺ-ից հարձակվող Նեյմարի հնարավոր տեղափոխության հետ կապված:
«Տրանսֆերային պատուհանի փակվելուց տասն օր առաջ ես գնացի Փարիզ՝ Լեոնարդոյի հետ բանակցելու, գործադիր տնօրենի հետ էի, մենք քննարկեցինք Նեյմարի տրանսֆերը: Կարծում եմ, եթե գործադիր տնօրենը գնար Փարիզ, ապա մենք կարող էինք գնել նրան:
Եթե մինչ այդ Գրիզմանի հետ պայմանագիր չստորագրվեր, կարծում եմ, որ մենք կարող էինք հարյուր տոկոսով վերադարձնել Նեյմարին, քանի որ մեզ վինգեր էր պետք, և երբ Նեյմարը խաղում էր «Բարսելոնայում», նա անհավանական էր: Խոսքը նրա մասին չէ, թե նրանցից ով է ավելի ուժեղ, այլ այն մասին, թե որ դիրքն էր անհրաժեշտ այդ պահին ուժեղացնել: Մեզ իսկական եզրային հարձակվող էր պետք: Նախագահ Բարտոմեուն որոշեց ստորագրել Գրիզմանին։
Նեյմարի դեմ փաստարկներից մեկն այն էր, որ նա դատավարություն անցկացրեց «Բարսելոնայի» հետ, ուստի դժվար կլիներ լուծել այս հարցը: Նրանք ասացին, որ նա պետք է հրաժարվի հայցից, եթե ուզում է վերադառնալ:
Սա իմ խնդիրը չէր, քանի որ ես ակումբում չէի, երբ նրանք տարաձայնություններ ունեին: Իմ տեսանկյունից մենք կարող էինք ստորագրել նրան, բայց դա տեղի չունեցավ»,- ասել է Աբիդալը:
Սիրարփի Աղաբաբյան
