Արցախի Ազգային ժողովի խմբակցությունները հանդիպել են Արցախի ՄԻՊ թեկնածուի հետ
Արցախի ԱԺ «Հայ հեղափոխական դաշնակցություն», «Ազատ հայրենիք- ՔՄԴ», «Միասնական հայրենիք» խմբակցությունները մարտի 24-ին հանդիպել են ԱՀ Մարդու իրավունքների պաշտպանի թեկնածու Գեղամ Ստեփանյանի հետ:
Խոսելով ՄԻՊ պաշտոնում ընտրվելու դեպքում իր անելիքների մասին՝ Գեղամ Ստեփանյանը առանձնացրել է աշխատանքի հիմնական ուղղությունները: Անդրադարձ է կատարվել հետպատերազմյան իրողություններում Արցախի մարդու իրավունքների պաշտպանի գրասենյակի գործառույթներին, մասնավորապես, ռազմական հանցագործությունների վերհանման ուղղությամբ փաստահավաք գործունեությանը:
Պատասխանելով պատգամավորների հարցերին՝ ՄԻՊ թեկնածուն անդրադարձել է գրասենյակի աշխատանքների բարելավման, ՀՀ ՄԻՊ-ի և Մարդու իրավունքների եվրապական դատարանի հետ համագործակցության և համատեղ ծրագրերին:
