Հոլանդը կտեղափոխվի Իսպանիա

Դորտմունդի «Բորուսիայի» հարձակվող Էրլինգ Հոլանդը ցանկանում է այս ամառ տեղափոխվել «Ռեալ», ասում է Marca-ն:

Ֆուտբոլիստը սկզբում ընկալում էր «Բորուսիան»՝ որպես բարձրակարգ ակումբ տանող ճանապարհի միջանկյալ կանգառ:

Նախատեսվում էր, որ նա 2022 թվականին կհեռանա Գերմանիայից, բայց իրավիճակը փոխվել է այն նոր խաղի շնորհիվ, որը ցուցադրում է նորվեգացին: Ակումբի կազմում անցկացրած 49 հանդիպումներում նա խփել է 49 գոլ:

Աղբյուրի համաձայն՝ Հոլանդը ցանկանում է մեկնել «Ռեալ», բայց նա ստիպված կլինի համոզել «Բորուսիայի» ղեկավարներին՝ թույլ տալ նրան մեկնել Իսպանիա:

Հարձակվողի՝ Մադրիդ տեղափոխվելու հարցում նույնպես կարևոր դեր կարող է ունենալ գործակալ Մինո Ռայոլան, որը լավ հարաբերություններ ունի «Ռեալի» հետ:

«Բորուսիան» դեռ չի հայտարարել այն գինը, որի դիմաց պատրաստ կլինի վաճառել 20-ամյա ֆուտբոլիստին:

Սիրարփի Աղաբաբյան