«Բոլորը ուրախ կլինեն տեսնել Կրիշտիանուին»․ Վինիսիուսը՝ Ռոնալդուի վերադարձի մասին
Մադրիդի «Ռեալի» կիսապաշտպան Վինիսիուս Ջունիորն արձագանքել է հարձակվող Կրիշտիանու Ռոնալդուի՝ մադրիդյան ակումբ հավանական վերադարձի մասին լուրերին:
«Կրիշտիանուն այս ակումբի լեգենդն է: Նա շատ բանի հասավ: Ես ոչինչ չեմ կարող ավելացնել, քանի որ չգիտեմ, թե ինչ է կատարվում, բայց «Ռեալում» բոլորը միշտ ուրախ կլինեն տեսնել Ռոնալդուին այստեղ»,- ասել է Վինիսիուսը:
Ռոնալդուն խաղում էր «Ռեալի» կազմում 2009-2018 թվականներին: Նա 450 գոլով ակումբի պատմության լավագույն ռմբարկուն է: Մադրիդի «Ռեալի» հետ Ռոնալդուն 4 անգամ նվաճեց Չեմպիոնների լիգան, երկու անգամ դարձավ Իսպանիայի չեմպիոն:
Ընթացիկ մրցաշրջանում պորտուգալացին Ա Սերիայի 23 խաղում դարձել է 23 գոլի հեղինակ:
Սիրարփի Աղաբաբյան
