Արգիշտիի փողոցում մեքենայի հայելիներ են գողացել
Մարտի 15-ին օպերատիվ կառավարման կենտրոնից ոստիկանության Կենտրոնական բաժին հաղորդում ստացվեց, որ Արգիշտիի փողոցի շենքերից մեկի բակում մեքենայի հայելիներ են գողացել:
Դեպքի վայր մեկնած օպերատիվ խումբը պարզեց, որ մարտի 14-ից 15-ն ընկած ժամանակահատվածում գողացել են բակում կայանված «Լեքսուս» մակնիշի մեքենայի կողային հայելիները:
Ոստիկանության Կենտրոնական բաժնի և Մարաշի բաժանմունքի քրեական հետախույզների մասնագիտական հմտության շնորհիվ օպերատիվ տվյալներ ստացվեցին, որ նշված գողությունը կատարել է Արգիշտի փողոցի 25-ամյա մի բնակիչ։
Նույն օրը կասկածվողը բերման ենթարկվեց ոստիկանության Մարաշի բաժանմունք։
Նա տվել է խոստովանական բացատրություն:
Գողոնը հայտնաբերվել է:
Փաստի առթիվ նախապատրաստվում են նյութեր:
