Թուրքիան 5 տարում 59 տոկոսով կրճատել է զենքի ներկրումը
Ստոկհոլմի խաղաղության հետազոտությունների միջազգային ինստիտուտը (SIPRI) հրապարակել է զենքի միջազգային առքուվաճառքի վերաբերյալ իր հերթական զեկույցը։ Այս մասին տեղեկացնում է ermenihaber.am-ը։
Ըստ այդմ՝ տեղական ռազմարդյունաբերության ակտիվ խթանման շնորհիվ 2016-2020թթ․ Թուրքիան 30 տոկոսով ավելի շատ զենք ու զինամթերք է արտահանել, քան նախորդող հնգամյակում (2011-2015թթ․)։
Միևնույն ժամանակ, վերջին հնգամյակում այլ երկրներից Թուրքիա զենք ու զինամթերքի ներկրումը նվազել է 59 տոկոսով։
Արդյունքում Թուրքիան ամենիշ շատ զենք արտահանող երկրների ցանկում մեկ հորիզոնականով բարձրացել է, իսկ ամենից շատ զենք ներկրող երկրների ցանկում՝ 5 հորիզոնականով նահանջել։
