11 աշխատակցով Հրազդանում գործող ընկերությունը գրանցվեց «Էկոս» ազատ տնտեսական գոտում
Կառավարության այսօրվա նիստում որոշվեց տեղեկատվական տեխնոլոգիաների ոլորտում գործունեություն իրականացնելու համար «ԷԿՈՍ» ազատ տնտեսական գոտու շահագործողների ռեեստրում ներառել «ԷՆՋԻՆՓՐՈՋԵՔԹ ՔՈՄ» ՓԲԸ-ն։
Էկոնոմիկայի նախարար Վահան Քերոբյանը նշեց, որ այս ընկերությունը զբաղվում է ծրագրային ապահովման պրոդուկտներ արտադրելով, մասնավորապես՝ շինարարական մեծ ընկերությունների համար․
«Պլանավորում են ունենալ բարձր վարձատրվող 11 աշխատակից։ «Էկոս» ազատ տնտեսական գոտու մասին կարող եմ ավելացնել այն, որ այս պահին կան 8 շահագործող, որոնցից ակտիվ են ընդամենը 3-ը, բայց այս տարվա սկզբից արդեն 3-4 ընկերություն դիմել են, էական ակտիվություն է զգացվում»։
Մանրամասները՝ տեսանյութում
