«Կապիտուլյանտների դեմ պայքարը չեմ կարծում, թե պետք է իրականացվի նման մեթոդներով». Էդուարդ Շարմազանով
Հայաստանի հանրապետական կուսակցության (ՀՀԿ) Գործադիր մարմնի անդամ, ԱԺ նախկին փոխնախագահ Էդուարդ Շարմազանովը ֆեյսբուքյան իր էջում գրում է.
«2018-ի ապրիլ-մայիսին իմ և իմ ընկերների բնակարանների մոտ «նիկոլականները» տեղադրում էին դագաղներ և սև լենտեր։
Սա անմարդկային քայլ ու դիվային պարահանդես էր։
Այսօր նման դագաղներ տեղադրվում են իշխանավորների բնակարանների մոտ։
Նման դրսևորումներին ես բացասական եմ վերաբերվում և եթե կուզեք մերժում եմ։
Կապիտուլյանտների դեմ պայքարը չեմ կարծում, թե պետք է իրականացվի նման մեթոդներով։
Վանդալիզմին վանդալիզմով չեն հաղթում։
Հ.Գ. Ինչ ցանենք, այն էլ կհնձենք»:
