Մադրիդյան դերբիում ֆավորիտ չկա. Զիդան
Մադրիդի «Ռեալի» գլխավոր մարզիչ Զինեդին Զիդանը կիսվել է Լա լիգայի 26-րդ տուրում կայանալիք «Ատլետիկոյի» դեմ խաղի սպասելիքներով:
««Ռեալը» ֆավորի՞տն է: Ո՛չ, դերբիում ֆավորիտ չկա: Կա լավ խաղ, որը մենք ուզում ենք ցուցադրել: Սա հիանալի հանդիպում է, սա այն է, ինչ ցանկանում են տեսնել երկրպագուները:
Մենք լավ հանդիպում ենք անցկացնելու: Չգիտեմ, թե ինչ կլինի, բայց մենք պետք է լավ հանդես գանք, քանի որ խաղում ենք մրցակցի դեմ, որը գլխավորում է մրցաշարային աղյուսակը»,-Զիդանի խոսքերն է փոխանցում marca.com-ը:
Հիշեցնենք, որ «Ատլետիկո»-«Ռեալ» հանդիպումը տեղի կունենա մարտի 7-ին:
