Մեր տղաները բայրաքթարների մսաղացի տակ են ընկել, որովհետեւ Նիկոլը ՀՕՊ-ի փոխարեն խաղալիք ՍՈւ-եր է գնել. Նաիրա Զոհրաբյանը տեսանյութ է հրապարակել
ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը ֆեյսբուքյան գրառում է տարածել է պաշտպանության նախարար Վաղարշակ Հարությունյանի հարցազրույցի մի հատված, նաև արել է գրառում, որում ասվում է․
Մենք պատերազմը նաեւ պարտվել ենք, որ հակաօդային պաշտպանություն չենք ունեցել։ Արցախի օդը եղել է բաց։
Մեր տղաները թուրքական բայրաքթարների մսաղացի տակ են ընկել, որովհետեւ Նիկոլը հակաօդային պաշտպանության համակարգ գնելու փոխարեն նախընտրել է իր սելֆիների համար խաղալիք ՍՈւ-եր գնել։
Էս մարդը, որ խոսում է ու ասում է, որ մենք հզոր ու անխոցելի հակաօդային պաշտպանության համակարգ ունենք եւ Ադրբեջանն ում շունն է, որ պատերազմում մեզ հաղթի, այսօր ՀՀ պաշտպանության նախարարն է»։
