Էրիկ Գարսիան համաձայնել է տեղափոխվել «Բարսելոնա»
«Մանչեսթեր Սիթիի» պաշտպան Էրիկ Գարսիան կարիերան կշարունակի Լա Լիգայում:
Լրագրող Ֆաբրիցիո Ռոմանոյի խոսքով՝ 20-ամյա իսպանացին համաձայն է տեղափոխվել «Բարսելոնա» ամռանը՝ որպես ազատ գործակալ: Գարսիայի պայմանագիրը նախատեսված է մինչ ընթացիկ մրցաշրջանի ավարտը:
Ընթացիկ մրցաշրջանում պաշտպանը Պրեմիեր լիգայում անցկացրել է 3 հանդիպում:
«Մանչեսթեր Սիթիի» գլխավոր մարզիչ Պեպ Գվարդիոլան նույնպես ասել է, որ պաշտպան Էրիկ Գարսիան տեղափոխվելու է «Բարսելոնա»:
«Էրիկ Գարսիան ինձ համար որդու պես է: Անցյալ տարի նա մեր լավագույն պաշտպանն էր՝ արգելափակումից հետո: Նա երբեք չի սխալվել և խաղացել է Չեմպիոնների լիգայի քառորդ եզրափակչում:
Նա կխաղա «Բարսելոնայում»: Էրիկը սովորական խաղացող չէ, նա բարձրակարգ ֆուտբոլիստ է:
Ես նրան չէի ընդգրկել վերջին երկու խաղերում, և դա կոտրեց սիրտս: Ահա թե ինչու դա շատ դժվար է բոլոր մարզիչների համար: Դուք գաղափար չունեք, թե դա ինչ է նշանակում»,- ասել է Պեպը:
Սիրարփի Աղաբաբյան
