Վաղը կհանդիպեն Նիկոլ Փաշինյանը և Էդմոն Մարուքյանը
168.am-ի աղբյուրների հավաստմամբ՝ վաղը՝ մարտի 4-ին, Կառավարության նիստից հետո Նիկոլ Փաշինյանը հանդիպելու է ԱԺ «Լուսավոր Հայաստան» խմբակցության ղեկավար Էդմոն Մարուքյանի հետ։
Հիշեցնենք, որ Էդմոն Մարուքյանն իշխանությանն առաջարկել էր ՀՀ նախագահի աշխատակազմից հետ վերցնել Գլխավոր շտաբի պետ Օնիկ Գասպարյանին ազատելու առաջարկը, Տիրան Խաչատրյանին վերանշանակել ԳՇ պետի տեղակալի պաշտոնում, դրա փոխարեն՝ «Լուսավոր Հայաստանը» պատրաստ է վարչապետ չառաջադրելու հարցով հուշագիր ստորագրել Փաշինյանի հետ։
Այս առաջարկից հետո՝ հաջորդ օրը, Էդմոն Մարուքյանը լրագրողների հետ զրույցում տեղեկացրել էր, որ իրեն զանգահարել է Նիկոլ Փաշինյանը և առաջարկել է հանդիպել ու քննարկել առաջարկը։ Սակայն Է. Մարուքյանը հանդիպման կոնկրետ ժամկետ չէր նշել։
