Մյուլերը, Հյումելսը, Բոատենգը կարող են վերադառնալ հավաքական
Գերմանիայի ազգային հավաքականի գլխավոր մարզիչ Յոահիմ Լյովը ասել է, որ պատրաստ է քննարկել Դորտմունդի «Բորուսիայի» պաշտպան Մատս Հյումելսին ու «Բավարիայի» ֆուտբոլիստներ Թոմաս Մյուլերին ու Ժերոմ Բոատենգին ազգային հավաքական վերադարձնելու հարցը:
«Երբ սկսում ես փոխվել, չես կարող հրաժարվել դրանցից և սկսել շարժվել այլ ուղղությամբ: Բայց համաճարակը տևել է գրեթե մի ամբողջ տարի, ուստի այդ գործընթացն ընդհատելը այժմ կարող է դիտարկվել, եթե խիստ անհրաժեշտ լինի:
Եթե ես համարեմ, որ կա նրանց կարիքը, ովքեր կարող են էներգիա ավելացնել ֆուտբոլի կամ ղեկավարության ծրագրերին, ապա վերադարձը հնարավոր է։ Ես կարող եմ խոստանալ, որ մենք ոչինչ չենք բացառելու»,- ասել է մարզիչը Sportschau-ին տված հարցազրույցում:
Սիրարփի Աղաբաբյան
