Նիկոլ Փաշինյանն այցելե՞լ է Արմեն Սարգսյանին
«Մեդիապորտ» տելեգրամյան ալիքի տեղեկություններով՝ քիչ առաջ Նիկոլ Փաշինյանն այցելել էր ՀՀ նախագահ Արմեն Սարգսյանի տուն, որտեղից դուրս է եկել 10 րոպե առաջ:
«Նա անձնական անվտանգությանը սպառնալիքներ հնչեցնելով՝ պահանջել է, որպեսզի ՀՀ նախագահը ստորագրի Օնիկ Գասպարյանին ազատելու իր հրամանը»,- նշել էր «Մեդիապորտը»:
Մեզ հետ զրույցում, սակայն, ՀՀ նախագահ Արմեն Սարգսյանի օգնական Հասմիկ Պետրոսյանը հայտնեց, որ նման տեղեկություն չունի, բայց կփորձի ճշտել՝ եղե՞լ է արդյոք նման միջադեպ, թե՞ ոչ:
«Նման հանդիպման մասին տեղեկություն չունենք»,- ավելի ուշ հայտնեցին նախագահականից:
Նիկոլ Փաշինյանի խոսնակ Մանե Գևորգյանը մեր հեռախոսազանգերին չպատասխանեց:
