Ինչո՞ւ է Անվտանգության խորհուրդը փոխել նախապես տարածած հաղորդագրությունը. խոսնակ
168.am-ն արդեն տեղեկացրել է, որ Անվտանգության խորհուրդն այսօր նիստ է գումարել Փաշինյանի ղեկավարությամբ, որի ավարտից հետո տարածված պաշտոնական հաղորդագրությունն այն տարածելուց հետո խմբագրվեց. նախնական տարբերակից հեռացվեցին իրավական սխալ ձևակերպումները։
168.am–ն Անվտանգության խորհրդից փորձեց պարզել՝ ինչո՞վ է պայմանավորված նիստի վերաբերյալ տարբեր հաղորդագրությունների տարածումը։
Մեզ հետ զրույցում Անվտանգության խորհրդի քարտուղարի մամուլի խոսնակ Արմեն Թարվերդյանն ասաց.
«Դա (առաջին հաղորդագրությունը.- Ա.Ս.) աշխատանքային տարբերակն է եղել, հետո սրբագրված, վերջնական տեքստի բերված տարբերակն է ուղարկվել։ Երկու տարբերակներն էլ առանձին ֆայլերի տեսքով առկա էին համակարգչում, ուղարկվել է շփոթմամբ ոչ վերջնական տարբերակը»։
