ԵԽԽՎ համազեկուցողները քաղաքական դերակատարներին կոչ են անում ձեռնարկել բոլոր քայլերը լարվածությունն անհապաղ թուլացնելու ուղղությամբ
«Ծայրաստիճան մտահոգված ենք Հայաստանում տեղի ունեցող վերջին զարգացումների կապակցությամբ»,- ԵԽԽՎ լրատվական կայքի փոխանցմամբ՝ Հայաստանի ներքաղաքական զարգացումների վերաբերյալ նման կարծիք են հայտնել Եվրոպայի խորհրդի Խորհրդարանական վեհաժողովի Հայաստանի հարցով համազեկուցողներ Բորիանա Աբերգը (Շվեդիա) և Կիմմո Կիլյունենը (Ֆինլանդիա):
«Մասնավորապես, անընդունելի ենք համարում Զինված ուժերի գլխավոր շտաբի կողմից երեկ տարածված հայտարարությունը, որով պահանջում են ժողովրդավարական ճանապարհով ընտրված կառավարության հրաժարականը»,- ասված է տարածված հաղորդագրությունում:
Համազեկուցողները բոլոր քաղաքական ուժերին և պետական դերակատարներին կոչ են անում հարգել Հայաստանի ժողովրդավարական սկզբունքներն ու Սահմանադրությունը և ձեռնարկել բոլոր անհրաժեշտ քայլերը լարվածությունն անհապաղ թուլացնելու ուղղությամբ:
Աբերգն ու Կիլյունենն արձանագրել են նաև, որ Հայաստանն իր նորագույն պատմության ամենաբարդ փուլերից մեկն է ապրում և, ինչպես երբևէ, ունի հանգստության, զսպվածության, իմաստնության և ժողովրդավարական սկզբունքներին անբեկանելի աջակցության կարիք բոլոր շահագրգիռ կողմերի կողմից՝ լուծելու քաղաքական ճգնաժամը, որին բախվում է երկիրը:
Թարգմանեց և հրապարակման պատրաստեց 168.am-ը
